Menu

 

الأمثال الشعبية البيروتية

الأمثال الشعبية تثري ذائقة الإنسان الثقافية والفنية والفكرية وهي تعطينا صورة واضحة على أن الشعوب لم تكن متخلفة عما يحيط بها من واقع وأحداث سواء كان واقعا مرا وأحداثا مفرحة والأمثال الشعبية بما تحمله بين جنباتها من وظائف حيوية أضفت عليها صفة الخلود والديمومة ولذلك ليس غريباً أن تتوارثه الأجيال فيتناقله الأبناء عن الآباء عن الأجداد.

ومن خلال دراستنا للأمثال الشعبية دراسة عميقة نستطيع أن نميز فترات التطور التاريخي لثقافة شعب من الشعوب.

 والأمثلة الشعبية عادة عربية إقتبسها البيارتة عن أجدادهم العرب الذين تميزوا بسرعة البديهة وبالعبارة القصيرة المعبّرة، وهي على وجه العموم تعبّر عن واقع اجتماعي أو اقتصادي أو تربوي أو سياسي، وهي صورة صادقة للمجتمع البيروتي ولهمومه وأشجانه ومشاكله.

والحقيقة فقد كانت الحياة الاجتماعية في بيروت المحروسة، تمثل قمة البراءة والبساطة، بعيداً عن السذاجة، فالبيروتي عُرف عبر تاريخه بالذكاء والجهاد والرباط والنجاح في التجارة والاقتصاد، وقد أجمع الرحالة على مدح البيارتة نظراً لحسن تصرفهم، وحسن استقبالهم للضيف، وعلو همتهم، وتميزهم بالمرؤة والكرامة، مع تدينهم وتمسكهم بالعقائد والمبادئ الدينية، والعادات والتقاليد الحميدة، من هذه الأمثلة :

◄ابن ابنك الك ابن بنتك لا
◄ابن البط سباح وابن الكلب نبّاح
◄ابن الخمسين زهر البساتين
◄ابن الداية ما عليه مخبايه
◄ابنك إلك بنتك لا
◄ابنها بيبكي وراحت تسكَّت ابن الجيران
◄احترنا يا قرعة منين نبوسك
◄ادعي لصاحبك بالسعادة بتخسرو
◄اشتغل بالكفان ، بطّل حدا يموت
◄الأب جلاّب والأم دولاب
◄الأبواب مغلّقة والهموم مفرقة
◄الأعور بين العميان ملك/مفتَّح
◄الأقارب عقارب
◄الأكل ما إلك، بطنك ما إلك؟
◄الأم بتلّم
◄الأيد الواحدة ما بتصفق
◄الإنسان بالتفكير والله بالتدبير
◄الإنسان مثل الشجرة بينكسى وبيعرا
◄الإيد اللي ما فيك تعضها، بوسها وادعي عليها بالكسر
◄البحصة بتسند خابية
◄البدوي إذا غسّلتو بيموت
◄البرد أساس كل علّة
◄البرطيل بيحلّ دكّة القاضي
◄البعد جفا والقرب وفا
◄البنات همن للممات
◄البنت المليحة خير من الصبي الفضيحة
◄البنت لأمها والصبي لأبوه
◄البومة لو فيها خير ما فاتها الصيّاد
◄البيت اللي رباني ما بينساتي
◄البيت إلي ما في ولاد زغار ما في نور
◄البيت بيت أبونا والناس بيخانقونا
◄التدبير نصف المعيشة
◄التّركي ولا بكركي
◄التعلم في الصغر كالنقش على الحجر
◄التكرار بيعلّم الحمار
◄التكرار بيعلّم الشطّار
◄التي بياكل العصي مش متل اللي بيعدها
◄الثنان شراكة ثلاثه لبكه
◄الجار قبل الدار
◄الجمل لو بيشوف حردبتو بيوقع وبيفكّ رقبتو
◄الجنة من دون ناس … ما بتنداس
◄الجوع كافر
◄الحُب بيطلع من الشباك إذا دخل الفقر من الباب
◄الحجر الثقيل ما بينهزّ من مطرحه
◄الحرامي واحد والمتهوم ألف
◄الحركة فيها بركة
◄الحق الكذاب لباب الدار
◄الحكي ما مثل الشوف
◄الحما بابور وبنات الأحما إبره
◄الحيط الواطي كل واحد بينط عنه
◄الداخل بالسياسة مثل الداخل بتنكة الكناسة
◄الدفا عفا ولو كان بعزّ الصيف
◄الدم ما بيصير ماي
◄الديك الفصيح من البيضة بيصيح
◄الديك بيموت وعينو بالمزبلة
◄الديك ملك على مزبلته
◄الذهب بيعتاز النخالة
◄الذي أيده بالنار مش متل اللي أيده بالمي
◄الذي بيته من قزاز ما يراشق الناس بالحجار
◄الذي سبق شم الحبق
◄الذي في جنبه مسله بتنعره
◄الذي لا يعرفك بيجهلك
◄الذي يصبر على حلوها يصبر على مرها
◄الذي يعرف يعرف والذي ما يعرف يقول كف عدس
◄الذي يلعب مع القط بدو يتحمل خراميشه
◄الرجّال رحمة ولو كان فحمة وإذا كان عرّاضه
◄الرجال عند حاجاتهم نسوان
◄الرجّال ولو كان فحمة، وجوده بالبيت رحمة
◄الرزق السايب بيعلم الناس الحرام
◄الرزق إلي ما ببلدك لا إلك ولا لولدك
◄الرفيق قبل الطريق
◄الروحة بالأيد أما الرجعة مش بالأيد
◄السعد يأتي جرجرة والنحس يأتي كوكرة
◄السكافي حافي ، والحايك عريان
◄السلام على المعرفة
◄السلامة غنيمة
◄السياسة ما إلها دين
◄الشجاعة صبر ساعة
◄الشر من شراره
◄الشرب بالجوع مثل الضربة ع الكوع
◄الشرط بالحقلة ولا قتال عالبيدر
◄الشرط سيد الأحكام
◄الشمس شارقة والناس قاشعة
◄الصبر مفتاح الفرج
◄الصبي صبي ولو كان ابن نبي
◄الصبي صبي ولو مال تلتينو للخال
◄الصدفة من غير ميعاد
◄الصديق لوقت الضيق
◄الصلاة على الجنازة الحاضرة
◄الطاقة إلي بيجي منها ريح سدها واستريح
◄الطفران غلب السلطان
◄الطمع ضرّ ما نفع
◄الطيز النقّالة مش شغّالة
◄العافية بتجي من خروم الابر ولا مرض بيدفق دفق
◄العبد ما بيسير ت يسيره ربه
◄العتب ع النظر
◄العتب ع قد المحبة
◄العتبة تلتين الدرب
◄العمر غفلة
◄العنزة مقتولة والديب حدها
◄العنقود العالي حصرم
◄العيشة تدبير
◄العين بصيرة واليد قصيرة
◄العين جيعانة والمعدة شبعانة
◄العين عليها حارس
◄العين ما بتعلى عن الحاجب
◄العين ما بتقاوم مخرز
◄العين ما بيتخبى عليها شي
◄العين محروسة
◄الغالي بيرخصلك
◄الغايب عزرو معو
◄الغايب ما له حصة
◄الغربة كربة
◄الغرض مرض وصاحبه اعمى
◄الغضبان خي المجنون
◄الفرفور ذنبه مغفور
◄الفزع بيطيّر الوجع
◄الفقار بورت النقار
◄الفقر بيعمي القلب
◄الفقير لو ركب ع الجمل بتعضه الحية
◄القلوب شواهد
◄القلوب عند بعضها
◄الكبريا لا الله
◄الكذب بيغدي ما بيعشي
◄الكلام اللين بيخرج الحية من وكرها
◄الكلب ببيتو سبع
◄الكلب ع باب صاحبو نبّاح
◄الله يساعدنا على كوانين
◄الله يلعن هالزمان اللي خلط القمح بالزوان
◄الله يوفق وينفق … وعنا ما يتخلى
◄اللي بياكل من زوادة غيرو ما بيشبع
◄اللي بيأخذ من غير ملتو بيموت بعلتو
◄اللي بيكتروا خطابها بتبور
◄اللي ما الو حظ لا يتعب ولا يشقى
◄اللي ما بدوا يزوج بنته بيعلي مهرها
◄اللي ما بيهدا بالصحون ما بيهدا بالبطون
◄اللي من أيده الله يزيدوا
◄الليل ستار العيوب
◄الليل طويل والرب كريم
◄الليل واحد والحرامية ألف
◄المال بيجرّ المال والقمل بيجرّ السيبان
◄المصلح إلو تلتّين القتلة
◄المعاتبة صابون القلوب
◄المعتّر لو سِعِد بيموت
◄المكتوب ما منه مهرب
◄المنحوس منحوس … ولو علّقَوله فانوس
◄المَيّ والنار ولا حماتي في الدار
◄الميت كلب والجنازة حامية
◄الناس بالناس والقطة بالنفاس
◄الناس بدارك والمفتاح بزنارك
◄الناس ما بتستغني عن بعضها
◄الناس مع الواقف
◄النبي وصّى على سابع جار
◄النق … بيقطع الرزق
◄الهريبة ثلثي المراجل
◄الولد ولد ولو حكم بلد
◄آب اللهّاب
◄آخذ وج … ومكتّر
◄آخر العلاج الكي
◄آذار الهدّار … خبي فحماتك الكبار لآذار
◄آكل شارب ، من الهم هارب
◄آكل شارب نايم
◄آكل وناكر
◄آكل وناكر
◄أبعد عن الشر وغنيله
◄أبو البنات مرزوق
◄أجت الحزينة تفرح ما لقت لها مطرح
◄أحلى على قلبي من العسل
◄أحلى مني ربي خلقه ، اشطر مني دمه فلقه
◄أحمر متل طيز القرد
◄أختي بكمي مثل الهوا بكمي
◄أختي من أمي مثل الهوا بكمي
◄أخطب لبنتك قبل ما تخطب لأبنك
◄أرخص من الفجل
◄أعلى ما بخيلك … إركبه
◄أقعد أعوج … وإحكي جالس
◄أكبر منك بيوم أعقل منك بسنة
◄أكثر من قرد ما مسخو الله
◄أكل الهوا للواطي دوا
◄ألف سلّم ما بيطالوا راسو
◄ألف عيبه في الرأس ولا عيبة في الأساس
◄ألف كلمة جبان ولا كلمة الله يرحمه
◄أم القاتل بتنسى وأم المقتول ما بتنسى
◄أم عشرة مدبرة وأم واحد محيرة
◄أمل بليس بالجنة
◄أنا أمير وإنت أمير ومين بيسوق الحمير
◄أنا وخيّ ع ابن عمي وأنا وإبن عمي عاالغريب
◄أنضف من الصحن الصيني
◄أنفخت الدف وتفرق العشاق
◄أنيس وجليس
◄أهلك ولو علكوك ما بيبلعوك
◄أيدها بالطبق وعينها على مين زعق
◄أيلول بالشتي طرفه مبلول
◄إبرمي عكا وأرواد ولا تأخدي رجال عنده ولاد
◄إبن ابنك الك إبن بنتك لا
◄إبن الأربعين والخمسين زهر البساتين
◄إبن البط سبّاح وإبن الكلب نبّاح
◄إبن الحكومة إذا صادقته أكلك، وإذا عاديته هلكك
◄إبن الحلال عند ذكره بيبان
◄إبن الخمسين زهر البساتين
◄إبن الداية ما عليه مخباية
◄إبنك هوي وصغير ربيه ولما بيكبر خاويه
◄إبنها بيبكي وراحت تسكّت إبن الجيران
◄إتغدى وإتمدى ولو دقيقتين
◄إجا زبون العوافي
◄إجري وإجرك بالفلق
◄إجريها عوج وبدها بابوج
◄إجوا يبيطروا خيل السلطان، مدّت الخنفسة إجرها
◄إحترنا يا قرعة منين بدنا نبوسك
◄إخلص النيّة ونام في البرية
◄إدعي لصاحبك بالسعادة بتخسرو
◄إذا أردت أن تطاع فاطلب المستطاع
◄إذا بدّك تخرب بلاد، ادْعي عليها بكتر الرؤسا
◄إذا حلق جارك بل ذقنك
◄إذا قلتلّك تقبرني بتجيب المجرفة وبتطمني
◄إذا كان الرجال فحمة قعودا بالبيت رحمة
◄إذا كان حاكمك ظالمك اشك همك لخالقك
◄إذا كنت جاري لا تخرب دياري
◄إذا كنتِ وحشه كوني نغشه
◄إذا ما بكي الطفل إمو ما بترضعو
◄إركب الديك وشوف لوين بيوّدِّيك
◄إرمي عكا وأرواد ولا تأخذي رجال عنده ولاد
◄إسعى يا عبدي تا إسعى معك
◄إلشاطر بشطارته
◄إلشبعان بيفتكر كل الناس متله
◄إلشتا فرج ولو كان ضيق
◄إلشتوة بنيسان بتحيي الإنسان
◄إلشتوة بنيسان جواهر ما لها اثمان
◄إلصدق بيعين عالرزق
◄إلضرب بيعلم الدب يرقص
◄إلضرف إلي ما بينتفخ بيكون معيوب
◄إلطفل النقاق كتير الرضاع
◄إللي أولو شرط آخرتو نور
◄إللي بدو ينكيك بيشيل العيب اللي فيه وبيحطّو فيك
◄إللي بياكل من خبز السلطان بيحارب بسيفو
◄إللي بيعوز الكلب بيقول له صبحَك بالخير يا سيدي
◄إللي بيكبّر فشختو بيوقع
◄إلي ما هو من ضهرك كل ما جن افرحلو
◄إن بزقنا لفوق ع شواربنا وإن بزقنا لتحت ع دقنّا
◄إن عجبنا الكحل تكحلنا وإن ما عجبنا ترحلنا
◄إن كانت وقية إسوارتي ما لي غنى عن جارتي
◄إيد واحدة ما بتزقف
◄باب النجار مخلّع
◄بالوج مراية وبالقفا صرماية
◄بتموز بتغلي المي بالكوز
◄بحبّك قد وجع البطن
◄بحبك يا سواري مثل زندي لا
◄بخمسة آس ولا شماتت الناس
◄بدّك تبهدل رجّال، فلّت عليه مرا
◄بدل ما تقول للدجاجة كش أضربها اكسر لها رجلها
◄بدنا ياه ولو من ديار البلي
◄برد الصيف أحد من السيف
◄بزرعك بين البقدونس بلاقيك بين الكزبرة
◄بطن تمام … كيف تمام
◄بعد الأم حفور وطّم
◄بعد أربعينه … عدّوا سنينه
◄بعد هالكَبرة، جبّة حمرا
◄بلا دف عم نرقص
◄بوس الأيادي ضحك على اللحى
◄بياخده على البحر وبرجعو عطشان
◄بيت السبع ما بيخلى من العظام
◄بيتعدوا علينا على عينك يا تاجر
◄بيسرق الكحل من العين
◄بيشرب من البير وبيرمي فيه حجر
◄بيصب الزيت على النار
◄بيطلع من السواهي دواهي
◄بيعوم على شبر ميّ
◄بيقتل القتيل وبيمشي بجنازته
◄بيلحس الدبس عن الطحينة
◄بيلهي الحمار عن عليقه
◄بين تشرين وتشرين صيف تاني
◄بيّو بصل وأمّو توم، ومن وين بدها تجي الريحة الطيبة؟
◄تخانق البحر والريح طلعت الفلّة ع المراكب
◄تزوجت أختي يا سعادة بختي
◄تزوجنا وجبنا غريبة، زوان بلادك ولا القمح الصليبي
◄تعشى وتمشى ولو فشختين
◄تلاته ما بينطاقوا : الطق والنق والبق
◄توب العياري ما بيدفّي وإن دفّى ما بيدوم
◄تيتي تيتي، متل ما رحتِ مثل ما جيتِ
◄ثلاثة ما بيتخبّوا : الحُب والحَمل وركوب الجمل
◄ثلاثة ما بينعاروا : السلاح والدابة والمرا
◄جارك القريب ولا أخوك البعيد
◄جازة وجوزتك حظ من وين بجبلك
◄جبنا الأقرع ليونسّنا … كشّف على القرعة وفزعنا
◄جحا أكبر ولاّ أبوه ؟
◄جحا جابه وجحا أكله
◄جرس على طيز بغل
◄جْميلة الكلب ولا جْميلتو
◄جهل الختيار ما لو دبّار
◄جَوزك على ما عوَّدتيه، وولدك على ما ربّيتيه
◄حارة وشبابيكها حمر، والعيشة فيها بتقصف العمر
◄حاكمط ظالمك ولمين بتشكي أمرك ؟
◄حايص مثل دجاجة بدها تبيض
◄حدا بيجب الدب على كرمه ؟؟
◄حسن السؤال نصف العلم
◄حسنا الباشا باشا، تاري الباشا زلمه
◄حط أيدك بجنازة ولا تحط أيدك بجازة
◄حِط إيدك بوكر الدبابير وقول هيدا من التقادير
◄حط إيده على تمه نسي أبوه وأمه
◄حط رجليك بماء باردة
◄حَطو ذنب الكلب بالقالب أربعين سنة وبقي أعوج
◄حظّوا من السما اللي ما عندو حما
◄حمل السلم بالعرض
◄حِيَل النسوان بتنزِّل المحادل عن السطوح
◄خبيّ فحماتك الكبار لآذار
◄خبي قرشك الأبيض ليومك الأسود
◄خِدي ختيار يدلّلك ولا شاب يبهدلِك
◄خس زراع ولا تبيع من أرضك دراع
◄خللي العسل بجراره ، تاتيجي أسعاره
◄خود اسرارهم من صغارهم
◄دخول الحمام مش مثل الخروج منه
◄دود الخل منه و فيه
◄دينة سطح ودينة مزراب
◄راح ع حصان، رجع ع بغل
◄راحت السكرة وإجت الفكرة
◄ربنا بيبعت الولد وبيبعت رزقو معو
◄رجعت حليمة لعادتها القديمة
◄رجل في الفلاحه ورجل في البور
◄رغيف برغيف ولا يبيت جارك جوعان
◄رمضان إذا عشّر بشّر
◄ريسين بفرد مركب بيغرق
◄زاد الطين بلّة
◄زوجك على ما تعوديه وابنك على ما تربيه
◄زيوان بلادك ولا القمح الصليبي
◄ست سبعة بخدمتها وشرقت مخطتها
◄سترة البنت جازتها
◄سِدّو من فوق بيحكي من تحت
◄سكر بابك وأمن جارك
◄سمعان بالضيعة
◄سمك في بحر
◄سنة المحل بتفز العنزة ع الفحل
◄سيد وميد واعمل متلما تريد
◄شاب ولا تاب
◄شاف الموت بعينه
◄شايب وعايب
◄شايب يدلل ولا شب يهين
◄شب وكل شي ، والجيب ما في شي
◄شباط عدو العجايز
◄شباط ما عليه رباط
◄شباط مهما شبط أو لبط ريحة الصيف فيه
◄شبعنا وشبعت كنتنا وبنت الخير بتشبع من لقمة
◄شحّاد ومشارط
◄شحالة التين في التشارين
◄شحمة ع فطيرة
◄شراكة حلبية
◄شرط المرافقة الموافقة
◄شغل الليل بالويل
◄شم ولا تذوق
◄شمس شباط بتخبط الراس بالمخباط
◄شو أحلى من العسل؟ الخل ببلاش
◄شو إلك بالقصر قاللو امبارح العصر
◄شو بتعمل الماشطة بالوجه العكر
◄شو بده يلق الكلب من البحر
◄شو بدي اترجى منك يا سفرجلة وكل عضة بغصّة؟
◄شو بيضر السما من عياط الكلاب
◄شو جاب طز لمرحبا؟
◄شو ع بال عكا من هدير البحر
◄شو ما طبخت العمشا … جوزها بيتعشى
◄شو هو واقع من اجرين الشوحة
◄شوارب كبار يا ع طبال يا ع زمار
◄شي تك تك … شي تيعه
◄صابون العرب لحاها
◄صاحب الدار ادرى بالذي فيه
◄صاحبي وعيوني وصَوب الجيبة لا تقرِّب
◄صار له في القصر من أمس العصر
◄صار لها زوج قالت اعور ما اريده
◄صار يضرب خماسه بسداسه
◄صام صام وفطر على بصلة
◄صديق ال ما بينفع مثل عدو ال ما بيضر
◄صهر بيشدّ الظهر، وصهر بيجيب المجرفة ع القبر
◄صيف وشتا ع فرد سطح
◄ضاع المسك بسوق البصل
◄ضاعت الطاسة
◄ضحكته بسنانه وسمومه بلسانه
◄ضرب الحبيب زبيب
◄ضرب الحبيب زبيب وحجارته رمان
◄ضربني وبكى وسبقني واشتكى
◄ضوى له صابيعه العشرة
◄طِب الجرة ع تمها بتطلع البنت لأمها
◄طبلي ت زمرلك
◄طبنِي طبتَك العافية
◄طرشا ع الباب بتتنصَّت
◄طعمي التم بتستحي العين
◄طلطميس لا يعرف الجمعة من الخميس
◄طلعت القز ع الشيح ، اقبر مرتك واستريح
◄طلّقها ورجع يتطلّع بسيقانها
◄طنجرة ولقيت غطاها
◄طنّش … وحط بالخرج
◄طول عمرك يا زبيبة بطيزك عالعُودة
◄طويل الذقن قليل العقل
◄ظاهر العتاب افضل من الحقد
◄ظلم الحكام، وكيد النسوان، وعناد الرهبان
◄ظلّيت صلّي حتى حصل لي، ولما حصل لي بطّلت صلّي
◄ع السما مش رايحين، وبجهنم ببوسوا اجرنا
◄ع ذمة من قال
◄ع قد الزيتات ضوي
◄عادة في البدن، ما بيغيِّرها غير الكَفَن
◄عاشر الجربان لازم تجرب
◄عاشر الكبير تكبر
◄عاشر المصلي تصلي، وعاشر المغني تغني
◄عاوز مستغني
◄عتبت على أهلي من قلة عقلي
◄عدو جدك ما بيودك وعدو اهلك بيريدك تهلك
◄عذر أقبح من ذنب
◄عرَج الجمل من شفتو
◄عروسك تحت الإكليل ما بتعرف لمين بتصير
◄عشقتك وجنيت
◄عصفور في اليد ولا عشرة على الشجرة
◄عصفور وخيطه
◄عصفورين بحجر واحد
◄عضته ولا بوسة غيره
◄عقل الكبير كبير
◄عقلاته براس طربوشه
◄عقلاته على صوص ونقطة
◄علمناه عالسرقة مد إيده للخرقة
◄علمناهم على الشحادة سبقونا على الأبواب
◄علمي وعلمك سوا
◄على الأرض يا حكم
◄على الوعد يا كمّون
◄على شعنينة المتاولة
◄على عيد الدروز
◄على عينك يا تاجر
◄على قدر المؤونه تأتي المعونه
◄على قدر بساطك مد رجليك
◄على قلبه مثل العسل
◄على مد عينك والنظر
◄عليك بالجار ولو جار
◄عما أحكيكي يا جارة … تا تسمعي يا كنه
◄عمر الشقي بقي
◄عمرك أطول من عمري
◄عمرك لا تقول للمغني غني، ولا للراقوص ارقص
◄عمل السبعة وذمتها
◄عناية القاضي خير من شاهدين
◄عند تغيير الدول احفظ راسك
◄عند حاجتي ليها غمضت عينيها
◄عنزة ولو طارت
◄عورا وقرعا وما بتنام الا بالنص
◄عيب الولد من اهله
◄عيش الفهيم مع البهيم داء سقيم
◄عيش كتير بتشوف كتير
◄عيش يا كديش حتى يطلع الحشيش
◄عيش يا كديش لينبت الحشيش
◄عين العقل
◄عينه ضيقة
◄عيني فيه وتفوه عليه,
◄عيون زرق وسنان فرق
◄غاب القط إلعب يا فار
◄غالي والطلب رخيص
◄غبرتك ورتت هالوحلة
◄غربل … يا غربال
◄غريب واكذب ما تريد
◄غضب الأم والأب من غضب الرب
◄غيبة المستحية من ع بكره لعشية
◄غيم شباط ما عليه رباط
◄فاضية مشغولة مثل ام العروس
◄فتيلته طويلة
◄فرجاه نجوم الظهر
◄فرخ البط عوّام
◄فرخ الديب ما بيجوي
◄فرقة الحي صعبة
◄فروته بتجر ع الأرض
◄فوق الدكة … شرطوطة
◄في التأني السلامة وفي العجلة الندامة
◄قاضي الاولاد شنق حالو
◄قاضي الولاد شنق حاله
◄قاعد بالأرنة وعينه بتجقرني
◄قال له مين معلّمك الذوق؟ قال له المعلّق فوق
◄قالوا لحرامي الطحين : احلف يمين قال : انخلي يا مره
◄قالوا لفرعون من فرعنك قال : ما وجدت احد حتى يردني
◄قالوا للبغل مين أبوك ؟ قال الحصان خالي
◄قالوا للجوعان: اتنين واتنين، قال: اربعة ارغفة
◄قالوا للحرامي احلف يمين ، قال فرجت
◄قالولو للكذاب إحلف قال إجا الفرج
◄قام الدب تَ يرقص، قتَّل سبع ثمانة انفس
◄قتل القتيل ومشي بجنازته
◄قد فوله قردفوا له
◄قطع الاعناق ولا قطع الارزاق
◄قل له تينة بيقول جميزه
◄قلّو ثور … قال احلبو
◄قميص بلا كم احسن من الهم
◄قوم يا عبدي ت عينك، نام يا عبدي ت هينك
◄كاسر إيدو وشاحد عليها
◄كانت النصيحة بجمل
◄كثرة الشد ترخي
◄كثرة الضحك ، تذهب الهيبة
◄كل الكارات بتبور الا كار الزربول
◄كل ديك على مزبلتو صيَّاح
◄كل شي في ستي بيوجعها الا مبلعها
◄كل شيء مع العافية طيب
◄كل طلعة وراها نزلة
◄كل طويل هبيل، وكل قصير في الارض فتنة
◄كل عيلة وإلها شرشوحها
◄كل قصير في الارض فتنة
◄كل لحية ولها مشط
◄كل ما دقّ الكوز بالجرة
◄كل محمول موكوس
◄كل ممنوع مرغوب
◄كل من حبيبه ملو قلبه
◄كل من حط فلوسه، بنت السلطان عروسه
◄كل من خواته شكل
◄كل من عقله عاجبه
◄كلام الاسى ما بينتسى
◄كلام البغيض يغيظ
◄كلام الليل يمحوه النهار
◄كلبين ما بيتفقوا ع عظمة
◄كلمة تحنن وكلمة تجنن
◄كلمة تغني عن الف وألف لا يغني عن كلمة
◄كلنا في الهوا سوا
◄كله كلام بكلام
◄كلهن روس متل البطيخ
◄كما طار طير وارتفع إلا وكما طار وقع
◄كون بده يعمر
◄كيد النساء … غلب كيد الرجال
◄لا تبيع رخيص ، ولا توصي حريص
◄لا ترافق اجرودي ولو كان من السعودي
◄لا تغسلوا حالكم بلساناتكم متل البقر
◄لا تقص ذنب حمارك قدام تنين، واحد بيقول قصير وواحد بيقول طويل
◄لا تقول فول ، تيصير بالمكيول
◄لا تلوم الغايب ت يحضر
◄لا تنام بين الدبابير وتقول على الله التدبير
◄لا تنام بين القبور ولا تشوف منامات وحشة
◄لا صداقة الا بعد عداوة
◄لا غريب الا الشيطان
◄لا قيني … ولا تغديني
◄لا لسان ولا إحسان
◄لا مع ستي بخير ولا مع سيدي بخير
◄لا هم الا هم الدين و لا وجع الا وجع العين
◄لا يهش و لا ينش
◄لبّس العود … بيجود
◄لبّس المكنسة بتصير ست النسا
◄لحاق الكذّاب لباب الدار
◄لسانه متل طرطاق الطاحون
◄لعب الايادي من قلة طراوة اللسان
◄لعب الفار بعبه
◄لعب الموس بدقنه
◄لكل بداية نهاية
◄للحيطان آذان
◄لما تفرقت الرزاق ما حدا عجبوا رزقه لما توزعت العقول الكل رضي بعقله
◄لو فيك خير لأهلك خير
◄لو كان لستي هونيك شي، كنت بقول لها يا جدي
◄لولا الغيرة ما انفرشت حصيرة
◄لولا عاليه وبسوس ما كان في بالدنيا تيوس
◄لولا كمي ما أكل تمي
◄ما اعز من الولد إلا ولد الولد
◄ما بتجي الضربة الا ع العين الرمدانة
◄ما بدها يا ميمتي ارحميني
◄ما بعد الصبر إلا الفرج
◄ما بعد الصبر إلا المجرفة والقبر
◄ما بيجي شيء من الغريب بيسر القلب
◄ما بيحمل همك إلا إلي من دمك
◄ما بيحن عالعود غير إشروا
◄ما بيرضي العباد إلا رب العباد
◄ما بيشد بالبقرة إلا صاحبها
◄ما بيضرب المرا الا الخرا
◄ما بيعرف الخمسة من الطمسة
◄ما بيعرف قيمة الشيء إلا صاحبه
◄ما دام جارك بخير أنت بخير
◄ما غاظك إلا يلي بلّغك
◄ما في قبيلة ما طلع منها هبيلة
◄ما كل مرة تسلم الجرة
◄ما يحك جسمك الا ظفرك
◄مات المير ما حدا اهتم فيه مات كلب المير، كل الناس عزّت فيه
◄متل الابرة بتكسي الناس وهيي عريانة
◄متل الحكومة، ما إلو صاحب
◄متل الزهر، بيغيب سنة وبيحضر شهر
◄متل الزيتون، ما بيجي إلا بالرص
◄متل اللي بيوَكِّل القط بالجبنة
◄متل خيل الدولة: اكل ومرعى وقلة صنعة
◄متل سيرة الحيّات، بتبدا ما بتخلص
◄مثل البزر المر لا بينفع ولا بيضر
◄مثل الحنبلاس الشامي
◄مثل القطاط بسبع ارواح
◄مثل القطاط يأكل ويذم ويحدث ويطم
◄مثل اللزقة الإنكليزية
◄مثل بالع الموس
◄مجدرة ولبن، عافية على البدن
◄مسبّع الكارات
◄مكتوب على بواب الجنة ما عمرها حماة حبت كنة
◄مكتوب على ورق الخيار اللي بيسهر الليل بينام بالنهار
◄من الحيط للحيط ياربي توصلني عالبيت
◄من الفجر للنجر
◄من تحت الدلفة لتحت المزراب
◄من تمك أحلى يا كحلا
◄من شافك بعين شوفو بتنين
◄من علمني حرف صرت له عبد
◄من فاته اللحم عليه بالمرق
◄من قلة الخيل شدوا على الكلاب السروج
◄من كتر ولادو قلل زادو
◄من هو أخبر فيك ، جارك ومربيك
◄ميّت «مياه» نيسان بتحي الإنسان
◄ميت مرة جبان ، ولا مرّة الله يرحمو
◄مين أكل وبان عليه ما كتير عليه
◄مين بدو دح … ما بيقول أح
◄مين تزوج أمي صار عمي
◄مين جرب المجرب كان عقله مخرب
◄مين خلف ما مات
◄مين رادك ريدو ومن راد بعدك زيدو
◄مين شرب البحر مش حا يغص من الساقية
◄مين عاز الكلب قالوا صبْحك بالخير يا سيدي
◄مين عنترك يا عنتر؟ ،…… ما لقيت حدّا ردّني
◄مين ما قاله تش … بيقله مش
◄نار القريب ولا جنة الغريب
◄ناس بتاكل دجاج وناس بتوقع بالسياج
◄ناقرني تناقرك … وما إلي قلب فارقك
◄نام دافي بتقوم معافي
◄نام على وجهه طَب
◄نزل الفلاح عالمدينة ما استحلي غير الدبس بالطحينة
◄نزلت العبدة على السوق ما استحلت غير شفاتير ابنها مرزوق
◄نشره على صنوبر بيروت
◄هالله هالله يا دنيا وين كنا وين صرنا
◄هوم هيم هوم أكل وشرب ونوم
◄وِجّو بيقطع الرزق
◄وِجّو متل ورقة النعوة
◄وِحشة وعِكشة، وواقفة بالوِج
◄وصل الموس إلى اللحية
◄وعد الحر دين
◄وعدونا بالحلق … بخشنا آذاننا …
◄وقفة المعلّم ع إيد المعلّم صعبة
◄يا اخد القرد على ماله راح المال وبقي القرد على حاله
◄يا بيتي يا بويتاتي يا مستر لي عويباتي
◄يا جاري انت بحالك … وأنا بحالي
◄يا جبل ما يهزك ريح
◄يا دايم الدوم … كل مين الو يوم
◄يا رايح كتّر القبايح
◄يا رايح كتّر الملايح
◄يا رب ما تجعلني عبرة لغيري
◄يا ربي بلا شماتة
◄يا صبر أيوب
◄يا طالب الدبس من طيز النمس
◄يا عبدي لا تلوج غير رزقك ما بتحوش
◄يا غريب كن أديب
◄يا لطيف جلده شو متمسح
◄يا لطيف شو خبيث مثل الثعلب
◄يا لطيف شو ناعمة مثل الحيّة
◄يتمسكن حتى يتمكن
◄يحب الرفعة ولو على الخازوق
◄يسلم هالطول … مثل عرق الفول
◄يللي إختشوا … ماتوا
◄يللي بيشوفني بعين بشوفه بعينتين
◄يللي بيطلع من داره … بيقل مقداره
◄يللي ما بيجي معك … تعا معو
◄يلّي باعك ببصلة، بيعو بقشرتها!
◄يلّي خاف من العروس ما جاب ولاد
◄يلّي دعس ع إجرك، ادعس ع رقبته!
◄يلّي ما بيغار بيكون حمار
◄يوم عرسه وجعه ضرسه

Categories:   البيروتي

Comments

Sorry, comments are closed for this item.